Сүхбаатар аймгийн Онцгой байдлын газрын түүхэн үзэсгэлэн дэлгэгдлээ

0

Сүхбаатар аймгийн Онцгой байдлын газрын түүхэн замнал, онцлогийг харуулсан үзэсгэлэн өнөөдөр Албаны түүхэн музейд дэлгэгдлээ.

Үзэсгэлэнд байгууллагын болон үе, үеийн дарга нарын түүхэн танилцуулга, гэрэл зүргийн цомог, алба хаагчдын амжилт бүтээл, цуглуулга, албаны болоод аврах ажиллагааны онцлогийг харуулсан макет зэргийг дэлгэсэн байна.

Мөн аймгийн онцлогийг илтгэсэн Дарьгангачуудын мөнгөн эдлэлүүдийг дэлгэн үзүүлж, сурталчилж байгаагаараа онцлог юм.

Онцгой байдлын газар нь Гал түймэр унтраах, аврах 15, 47, Эрэн хайх, аврах салбар, бүлэг, Улсын нөөцийн салбар гэсэн нэгжтэйгээр аймгийн хэмжээнд болзошгүй эрсдэлээс урьдчилан сэргийлэх, аврах хор уршгийг арилгах, хойшлуулшгүй сэргээн босгох үйл ажиллагааг зохион байгуулан ажиллаж байна.

ОБЕГ-ын “Ахмадын холбоо”-ны санаачлагаар зохион байгуулагдаж байгаа тус үзэсгэлэн энэ сарын 29-нийг хүртэл үргэлжилнэ.

 

ГАМШИГ СУДЛАЛЫН ХҮРЭЭЛЭН